شاندی هەرێم گەیشتە بەغدا

ئەمڕۆ دووشەممە ٧ی ٧ی ٢٠٢٥، شاندی تەکنیکیی هەرێمی کوردستان گەڕانەوە بەغدا بۆ گفتوگۆکردن لەبارەی دوایین هەوڵەكانی ڕێككەوتنی نێوان هەردوو حكوومەتی هەرێمی كوردستان و حكوومەتی فیدڕاڵی. شاندەكە وەڵامی پێشنیازەكانی حكوومەتی فیدڕاڵییان بردووەتەوە بۆ بەغدا، تاوەكوو گفتوگۆیان لەبارەوە بكرێت و ڕێككەوتنیان لەسەر بكرێت.
ئەمە لە كاتێكدایە كە سبەی سێشەممە، كۆبوونەوەی ئەنجوومەنی وەزیرانی عێراق بەڕێوە دەچێت و هەندێك سەرچاوە باس لەوە دەكەن كە لەو كۆبوونەوەیەدا دەنگ لەسەر رەشنووسی ڕێككەوتنی نێوان هەولێر و بەغدا دەدرێت.
پێشتر سەگڤان سندی، جێگری سەرۆكی لیژنەی ئاسایش و بەرگری لە ئەنجومەنی نوینەرانی عێراق،  ”بە دڵنیاییەوە لەم رۆژانەدا كێشەی مووچە چارەسەر دەبێ، ئیتر ئەوكات رووڕەشی و ریسوایی بۆ ئەو خۆفرۆش و بەكرێگیراو و جاشانە دەمێنێتەوە کە دەهۆڵ و شاباشی لەناوچوونی ئەو هەرێمەیان لێ دەدا و بوونە زوڕناژەنی نەیارانی کوردستان. بەڕاستی خەڵكی كوردستانیش دەبێ باش بزانێ، ئەوە كێ بوو هەوڵی دەدا مافەكانیان لە بەغدا وەربگرێت و كێیش بوو بۆ كۆكردنەوەی دەنگ هەموو رۆژێك دۆخی دەروونیی خەڵكی كوردستانیان تێكدەدا و بانگەشەی لەناوچوونی هەرێمی كوردستانیان لێ دەدا.“