دەست بە دابەشکردنی بەشەخۆراکی مانگانە دەکرێت

دەست بە دابەشکردنی بەشەخۆراکی پێنچەمی ئەمساڵ

دەکرێت. بەڕێوەبەری گشتیی بازرگانی لە وەزارەتی بازرگانیی هەرێمی كوردستان ئاشکرای دەکات، رەزامەندیی دابەشكردنی بەشەخۆراکی پێنجەمی ئەمساڵ دەرچووە و دەست بە دابەشكردن دەكرێت. دەشڵێت: "بەشەخۆراكی پێویست لەنێو كۆگاكانماندا هەیە."

نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەسازی، ڕاگەیاند: "وەزارەتی بازرگانیی عێراق رەزامەنی دا بە دابەشكردنی بەشەخۆراكی پێنجەمی ئەمساڵ و دەست دەكرێت بە ئامادەكردن و پێدانی لیستی خۆراك بە بریكارەكان و پاشانیش لەم چەند رۆژەدا بەشەخۆراك بەسەر هاووڵاتییان دابەش دەکرێت."

ئاماژەی بەوەش دا: "بەشەخۆراكی پێویست لەنێو كۆگاكانماندا هەیە، جگە لە زەیت، بەشەخۆراكەكانی دیكە هەمووی هەیە."

ئاشكراشی كرد، بەشەخۆراكی پێنجەم پێكهاتووە لە: "برنج سێ كیلۆ، شەكر كیلۆیەك، زەیت لیترێكە، 400 گرام دۆشاوی تەماتە، لەگەڵ 500 گرام نیسک، لەگەڵ ئارینۆك، لە هەندێك شوێنیش فاسۆلیا دەدرێت."

لای خۆیەوە بەڕێوەبەرایەتیی بازرگانیی کەلوپەلی خۆراکی هەولێر رایگەیاندووە: "داوا لــە بریکارانــی خۆراکــی بنکــەی 201 دەکــەین بەیانــی ڕۆژی دووشـەممــە 4/8/2025، ســەردانــمان بکــەن بـــۆ وەرگرتنــەوەی لیستــی بریکــاری بەشە خۆراکــی ســەبەتەی پێنجەمـــی ساڵــی 2025 ."