حیزبێکی دیکە بڕیاری بەشداری دا

فراکسیۆنی بەرەی گەل بڕیاری دا بەشداری لە دانیشتنەکانی پەرلەمان بکات
 بەرەی گەل: بەبێ هۆ کارەکانی پەرلەمانی کوردستان پەک خراون
ئەمڕۆ سێشەم سێی تشرینی دووەمی 2026، فراکسیۆنی بەرەی گەل لە پەرلەمانی کوردستان بڕیاری دا کە بەشداری لە دانیشتنەکانی پەرلەماندا بکات و هۆکاری پەکخستنی کارەکانی پەرلەمان ڕەت دەکاتەوە، چونکە پێی وایە ئەندامان نوێنەری خەڵکن.
لە ڕاگەیەنراوێکدا هاتووە، ماوەی دوو ساڵ زیاترە هەڵبژاردن بۆ خولی شەشەمی پەرلەمانی کوردستان کراوە، بەبێ هۆ کارەکانی پەرلەمان پەک خراوە، ئەندامانی پەرلەمان هەڵبژێردراوی کۆمەڵانی خەڵکن، بۆیە دەبێت نوێنەرایەتیی خەڵک بکەن لە پەرلەمان.
فراکسیۆنەکە لە ڕاگەیەنراوەکەدا دووپاتی کردەوە، ئێمە لە فراکسیۆنی بەرەی گەل هەڵوێستمان ئاشکرایە کەوا دەبێت پەرلەمان کاری خۆی بکات، بە باوەڕبوونمان بە ڕێزگرتن لە مافی دەنگدەرانمان، فراکسیۆنەکەمان بەشدار دەبێت لە دانیشتنی پەرلەمانی کوردستان.