پارەی ئەو کەسانە هاتووە و دابەشدەکرێت

دەست بەدابەشکردنی پارەی ئه‌و مامۆستایانه‌ ده‌كرێ كه‌ وه‌ك چاودێر له‌ كاتی به‌ڕیوه‌چوونی تاقیكردنه‌وه‌كانی پۆلی 12 كاریان كردووه‌.
بەڕێوەبەرایەتی پەروەردەی رانیە، بڵاوی کردەوە: "ئاگاداری هەموو سەرپەرشتیار و بەڕێوەبەری هۆڵەکانی تاقیکردنەوەی بەرایی 12ی ئامادەیی بۆ ساڵی 2024 - 2025 دەکەینەوە، ئەمڕۆ پێنجه‌شممه‌ 14\ 8 \2025 سەردانی پەروەردە بکەن بۆ وەرگرتنی شایستە داراییەکانیان."
بە ڕەزامەندیی ئەنجوومەنی وەزیرانی کوردستان، وەزارەتی دارایی ساڵانە پارەی ئەزموونەکانی پەروەردەکانی هەرێمی کوردستان خەرج دەکات.
ساڵانە بۆ ئەو پرسە زیاتر لە سێ ملیار دینار بۆ پەروردەکانی هەولێر و دهۆک و سلێمانی و گەرمیان و هەڵەبجە خەرج دەکرێت.
ئەو پارەیە دەدرێتە ئەو مامۆستایانەی کە لە ئەزموونەکانی چاودێریی هۆڵەکانی تاقیکردنەوە بوونە.
ئه‌و بڕه‌ پارەیە بۆ پەروەردەی هەموو پارێزگاکان خەرج دەکرێت، ئەویش به‌پێی لیستی بەشدارانی چاودێریی خولی یەکەم و دووەم.