ئەوەی بەغدا دەیكات دەستدرێژییە بۆ سەر دەسەڵاتەكانی هەرێمی كوردستان

فوئاد حوسێن: جگە لە مووچە دەبێت پشکی کوردستان بنێرێت

فوئاد حسێن، وەزیری دەرەوەی عێراق، لە چاوپێكەوتنێكدا لەگەڵ كەناڵی (شمس) دەڵێت: عێراق دەوڵەتێكی فیدراڵییە، سیستمی فیدراڵی مانای دابەشكردنی دەسەڵات و سامان لەنێوان ناوەندو لایەنەكان، دژبەیەكیەكە لێرەدایە.

دەشڵێت: من رۆژانە لە بەغدا بەشێوەیەكی ناوەندی مامەڵەم لەگەڵ دەكرێت و ئەو كلتورە سیاسیەی لە بەغدادە، كلتوری ناوەندێتیە.
ڕاشیگەیاندووە، كورد لەسەر بنەمای دەستور لێكدانەوە بۆ كێشەكان دەكات، دەستوور نا ناوەندی و فیدراڵییە، لە بەغدادش پشتیان بە یاساكان بەستووە، زۆرینەی یاساكانیش یاسای كۆنن و ناوەندین.

ئاماژەی بەوەشكردووە، لێكگەیشتنێكی روون هەیە لەبارەی رادەستكردنی نەوت بە بەغداد، چارەسەرەكە كاتیە. چارەسەری هەمیشەیی دەبێت لەڕێی یاسای نەوت و غازە بێت، ئەم چارەسەرە تا كۆتایی ئەم ساڵە.

فوئاد حسێن وتیشی، “لەڕووی دەستورییەوە، كاری بەغدا نییە مووچە بدات بە فەرمانبەرانی هەرێم، دەبێت پشكی هەرێم بنێرێت و ئەوە كارە پەیوەستە بە حكومەتی هەرێم، بۆیە ئەوەی بەغدا دەیكات دەستدرێژییە بۆ سەر دەسەڵاتەكانی هەرێمی كوردستان، دەبێت لە بودجەی ساڵی داهاتوودا رێكبرێتەوە”.