پله‌ی گه‌رما له‌ هه‌رێمی كوردستان، زیاتر نزم ده‌بێته‌وه‌

به‌راورد به‌ چه‌ند رۆژی رابردوو، پله‌ی گه‌رما له‌ هه‌رێمی كوردستان، زیاتر نزم ده‌بێته‌وه‌.

ئه‌مڕۆ شه‌ممه‌، به‌شی پێشبینییه‌كانی كه‌شوهه‌وا له‌ وه‌زاره‌تی گواستنه‌وه‌ و گه‌یاندن، کەشى پێشبینیکراوى 48 کاتژمێرى داهاتووی بڵاو كرده‌وه‌ و تیایدا هاتووه‌، ئەمڕۆ شەممە، ئاسمان ساماڵ دەبێ و خێراى با لەسەرخۆ- مامناوەند ( 10 – 20  ) کم/ک ده‌بێ و ئاراستەی با، باکووری خۆرئاوا دەبێ و پلەی گەرما، کەمێک نزم دەبێتەوە بە (1-2) پلە بەراورد بە تۆمارکراوەکانی دوێنێ.

ئه‌وه‌ش خراوته‌ روو، سبەی یەکشەممە، ئاسمان ساماڵ دەبێ و خێرایى با، لەسەرخۆ- مامناوەند  (10 – 20 ) کم/ک ده‌بێ و ئاراستەی با، باکووری خۆرئاوا دەبێت.
پلەی گەرما، نزیک دەبێتەوە بەراورد بە تۆمارکراوەکانی ئەمڕۆ وەک لە خوارەوە ئاماژەیان پێ دراوە.
بەرزترین پله‌ی گەرمای پێشبینیکراو بە پلەی سیلیزی
هەولێر، 39 پلەی سیلیزی
سلێمانی، 38 پلەی سیلیزی
دهۆک، 38 پلەی سیلیزی
کەرکووک، 40 پلەی سیلیزی 
زاخۆ، 39 پلەی سیلیزی
هەڵەبجە، 39 پلەی سیلیزی
سۆران، 36 پلەی سیلیزی
حاجی ئۆمەران، 29 پلەی سیلیزی
گەرمیان، 42 پلەی سیلیزی