ڕۆژی یەكشەممە، ڕێكەوتی ٧ ی ٩ ی ٢٠٢٥، ئەنجومەنی وەزارەتی پەروەردە كۆبوونەوەی ئاسایی مانگانەی ئەنجامدا ؛ لە كۆبوونەوەكەدا وێڕای گفتوگۆكردن لەسەر چەند بابەتێكی پەروەردەیی وەك تاقیكردنەوەی دەرەكی و ڕیفۆرمی قۆناغی ئامادەیی و هەڵسەنگاندنی دەرەكی، هاوكات ئەنجومەنی وەزارەت ساڵنامەی خوێندنی ساڵی (٢٠٢٥ - ٢٠٢٦) ی پەسەندكرد، كە تیایدا ڕۆژی یەكشەممە ڕێكەوتی ٢١ ی ٩ ی ٢٠٢٥ وەك دەستپێكی ساڵی خوێندنی (٢٠٢٥ - ٢٠٢٦) دیاریكرد بۆ قوتابخانە حكومییەكان و ئەو قوتابخانە ناحكومییانەی بە سستمی وەزارەتی پەروەردە دەخوێنن، دواتر وردەكاری ساڵنامەكە بە گشتاندنێك لەلایەن بەڕێوەبەرایەتی گشتی تاقیكردنەوەكان و ساڵنامەی خوێندنەوە ئاڕاستەی بەڕێوەبەرایەتی گشتی پەروەردەی پارێزگاكان و ئیدارە سەربەخۆكان دەكرێت، هەروەها ئەنجومەنی وەزارەت لە كۆبوونەوەكەدا خشتەی بەشەوانەكانی بۆ ساڵی خوێندنی (٢٠٢٥ - ٢٠٢٦) پەسەندكرد، پاشتر لەلایەن بەرێوەبەرایەتی گشتی پرۆگرام و چاپەمەنییەكان گشتاندنی پێدەكرێت و ئاڕاستەی ناوەندەكانی خوێندن دەكرێت.
وەزارەتی پەروەردە
٧ ی ٩ ی ٢٠٢٥
وەڵام بدەوه