مووچەی پلە باڵاكان كەم دەبێتەوە
بۆ جێبەجێكردنی پرۆژەی یاسای خانەنشینی یەكگرتوو نزیكەی 20 هەزار خانەنشینی پلە باڵای پێشمەرگە لە هەرێمی كوردستان مووچەكانیان كەم دەبێتەوە.
ئەو بڕیارە، بەهۆی جێبەجێكردنی یاسای ژمارە 9ـی خانەنشینی یەكگرتووی عێراق كە لە ساڵی 2014 دەرچووە، لەبری یاسای خانەنشینی ساڵی 2007ی هەرێم.
ئەوانەی مووچەكانیان كەم دەبێتەوە بریتین لە لە پلەكانی (ڕائید و موقەدەم و عەقید و عەمید و لیوا و فەریق ڕوكن و فەریق)، ئەم كەمبوونەوەیە بەهۆی ئەوەیە كە لە یاساكەی عێراقدا دەرماڵەی مەترسی و هاوسەرگیری و منداڵ بوونی نییە. بەمەش مووچەی پلەدارەكان لەنێوان 500 هەزار دینار تاوەكو نزیكەی دوو ملیۆن دینار كەمدەبێتەوە.
ئەوەشی جێی دڵخۆشییە لە كاتی جێبەجێكردنی ئەو یاسایە مووچەی پێشمەرگەی پلە ئاسایی زۆر بەرز دەبێتەوە.
وەڵام بدەوه