شاره‌زایه‌كی كه‌شناسی واده‌ی یه‌كه‌م بارانبارینی له ناوچه‌كانی هه‌رێمی كوردستان و پارێزگاكانی عێراق دیاری كرد.
ریاز قوڕه‌یشی شاره‌زای كه‌شناسی عێراقی ده‌ڵێت: به‌گوێره‌ی پێشبینییه‌كان له ناوه‌ڕاستی مانگی داهاتوو عێراق ده‌كه‌وێته ناو شه‌پۆڵێكی بارانبارینه‌وه.
ده‌شڵێت: زۆرترین رێژه‌ی بارانبارین له ناوچه‌كانی هه‌رێمی كوردستان و پارێزگاكانی رۆژئاوای عێراق ده‌بێت به‌تایبه‌تیش له سه‌ره‌تای هه‌فته‌ی سێیه‌می مانگی داهاتوودا.
شاره‌زاكه‌ی كه‌شناسی گوتیشی: له ناوچه‌كانی ناوه‌ڕاست و باشووری عێراق بارانبارین بۆ سه‌ره‌تای مانگی تشرینی دووه‌م دوا ده‌كه‌وێت.
سه‌باره‌ت به رێژه‌ی گشتی بارانبارین بۆ ئه‌مساڵ، ریاز قوڕه‌یشی ئاماژه‌ی به‌وه دا، بارانی ئه‌مساڵ به شێوه‌یه‌كی گشتی ناجێگیر ده‌بێت، واته ره‌نگه چه‌ند هه‌فته‌یه‌ك باران نه‌بارێت، به‌ڵام دواتر لێزمه باران و لافاو دروست ببێت، به‌ڵام به‌پێی پێشبینییه‌كان ساڵێكی به‌باران و باش ده‌بێت به‌راورد به ساڵانی رابردوودا.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه