لەلایەن بەڕێوەبەرایەتیی گشتیی شارەوانییەكانەوە، كاركردن بۆ دابەشكردنی زەوی بەردەوامە، ئەو كەسانەشی زەوییان بۆ دەرچووە، مامەڵەكانیان بەخێرایی بەرەوپێش دەچێت.
ئەمڕۆ شەموو 11ـی تشرینی یەكەم، مەریوان حاكم هادی بەڕێوەبەری گشتیی شارەوانییەكانی هەولێر، رایگەیاند، كاركردن بۆ تەواوكردنی مامەڵەی ئەو فەرمانبەرانەی زەوییان وەرگرتووە بەردەوامە.
زیاتر گوتی، ئەو فەرمانبەرانەی ناویان گەڕاوەتەوە، نۆ نووسراویان بۆ دەكرێت بۆ ئەوەی بزانرێت لە وەرگرتنی زەویی سوودمەند نەبوونە، ئەو كاتە مامەڵەكانیان تەواو دەكرێت.
باسی لەوەش كرد، بەشێك لە فەرمانگەكان فەرمانبەرانیان پێش ئەوەی كارتیان پێ بدرێتەوە، راستەوخۆ وێنەی تۆماریان پێ دەدرێتەوە و قۆناغێكی تر پرۆسەكە دەچێتە پێش.
بەگوتەی بەڕێوەبەری گشتیی شارەوانییەكان، فەرمانبەرانیان بەردەوامن لەو پرۆسەیە و ئێستە لەگەڵ بەڕێوەبەرایەتیی نەخشەدانان و ئاوەدانكردنەوە، هاوئاهەنگییەكی زۆرباشیان هەیە بۆ ئامادەكردنی زەوی.
27ی ئایاری ساڵی رابردوو مەسروور بارزانی سەرۆك وەزیرانی كوردستان، بڕیاری دا زەوی بەسەر فەرمانبەرانی كوردستان دابەش بكرێت كە لە رابردوودا سوودمەند نەبوون، قۆناغی یەكەمی پرۆسەكە لە زاخۆ و گەرمیانەوە دەستی پێ كرد، دواتر هەولێر و سلێمانی گرتەوە كە هەر پارچە زەوییەك 200 مەترە
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه