لە هەولێر سێ پڕۆژەی گرنگ ئەنجام دران

چوار پڕۆژەی دیكەی دروستكردنی ئاوەڕۆ لە شاری هەولێر جێبەجێ دەكرێن

لە چوارچێوەی پلانی بەڕێوەبەرایەتیی گشتیی ئاو و ئاوەڕۆی وەزارەتی شارەوانی و گەشتوگوزار و بە سەرپەرشتیی بەڕێوەبەرایەتیی ئاوەڕۆی هەولێر بۆ ڕێگریكردن لە كۆبوونەوەی ئاوی زیادە و كەمكردنەوەی كاریگەرییەكانی لافاو لە وەرزی بارانباریندا، چوار پرۆژەی دیكەی ئاوەڕۆ لە شاری هەولێر دروست دەكرێن.

پڕۆژەكان:
1- دروستکردنی  ئاوەڕۆی سندووقی لە گەڕەکی فەرمانبەران، نزیک مزگەوتی فەرمانبەران.

2- دروستکردنی  ئاوەڕۆی سندووقی لە شەقامی کەرکووک. نزیک شوققەکانی شەهیدانی گردەڕەشە.

3- دروستكردنی ئاوەڕۆی سندووقی، بە قەبارە ( 2،5- 2،5)  لە گەڕەکی ژیان و خانووەکانی شەیدان بە درێژایی 4 کم.

4- دروستكردنی ئاوەڕۆ لە ناوچەی پیشەسازی باشوور.

جگە لەو پڕۆژانە، هاوكات لە شاری هەولێر، ئێستا چەندین پرۆژەی دیكەی خزمەتگوزاریی قیرتاوكردن و دروستكردنی شەقام و ئاوەڕۆ لە سنووری سەرۆكایەتیی شارەوانیی هەولێر لە قۆناغی جێبەجێكردندان.