نیازحاجی : هەندێ حیزبی کوردى لە بەغدا هەموو شتێک بوون تەنها نوێنەری کورد نەبوون

وەک پارتیەک نا، بەڵکو بەقەناعەتەوە ئەو قسەیە دەکەم!
ئاساییە بۆ پەڕلەمانی کوردستان دەنگت بۆ پارتی نەبێ، دەنگت بۆ ئەو لایەنە بێ کەدڵخوازتە، بەڵام بۆ پەڕلەمانی بەغدا جیاوازە! 
بەپرسیاریەتی دەنگدان بۆ دەستنیشانکردنی نوێنەرانی کورد لەبەغدا، ئاستەکەی زۆر زۆر زیاتر و جیاوازترە!
لەرابردودا، هەڵوێستی دژە کوردانەی هەندێک لەپەڕلەمانتارەکانی غەیرە پارتی لەبەغدا بەبێ جیاوازی ، بەسە بۆ ئەوەی کە دەنگدان بەپارتی بۆ پەڕلەمانی بەغدا (واجب و فەرزە) و تەنها اختیارێک نیە. ئاخر پەڕلەمانتاری هەندێ حیزب لە بەغدا هەموو شتێک بوون تەنها نوێنەری کورد نەبوون، بگرە لەنەیارەکانی کورد زیاتر دژی کورد بوون، هەندێکیان چاوساغی نەیارانی کوردستان بوون بۆ لێدانی هەرێم، هەندێکیشیان رۆڵی وتەبێژیان دەبینی، هەندێکیان بگرە سکاڵایان لەدژی کارەبای ٢٤ سەعاتیش نوسی. 
پەڕلەمانتاری تاکە حیزب لەبەغدا لەسەر ئەو بەرنامەو بانگەشەیەی کە لەکاتی هەڵبژاردن کردویەتی و لەسەری ماونەتەوە و هەڵوێستیان وەک رێژەی نەگۆڕ بووە و نەگۆڕاوەن  و نەکڕدراون، یان لەژێر گوشار و تەماع سازشیان نەکردووە، تەنهاو تەنها پەڕلەمانتارو نوێنەرانی پارتی بوون! پەڕلەمانتاری زۆربەی حیزب و لایەنەکان بینیمان چۆن هەندێکیان پەرت و بڵاوبوون، بینیومانە هەندێکی تریان چۆن هەریەک لەئاوازێک دەیخوێند، و هەندێکی تریشیان هەڵوێستەکانیان بەشێوەیەک بووە کە ئەگەر هەزار رەحمەت بۆ ئەوانەی خەزعەلی بنێردرێ هێشتا هەر کەمە! باشترین و خاوێنترینی پەڕلەمانتاری غەیرە پارتی ئەوانە بوون کە بێلایەن بوون لەنێوان هەرێم و بەغدا!!! 
پەڕلەمانتاری هەندێ لایەن لەجیاتی ئەوەی رۆڵی چاودێری لەسەر حکومەتی ناوەندی ببینن، گەندەڵی و کارە نادەستوریەکانی حکومەتی بەغدا دەستنیشان بکەن، هاتبوون ئەوکارەیان لەهەرێم دەکرد وەک ئەوە وابوون نوێنەری بەغدا بوون لێرە. 
نیازحاجی