حکومەت داشکانی گەورەی ڕاگەیاند

داشکاندن لە کرێی خوێندن بە رێژەی 45% لە زانکۆ حکوومییەکان لە پاراڵێڵ و ئێواران و خوێندنی باڵا، دیبلۆمی باڵا، ماستەر و دکتۆرا دەکرێت.

د. توانا نەجەف، بەڕێوەبەری گشتیی فەرمانگەی کارگێڕی و دارایی لە وەزارەتی خوێندنی باڵا و توێژینەوەی زانستیی حکوومەتی هەرێمی کوردستان، ڕایگەیاند: "بریار دراوە بە بەردەوامبوونی داشکاندنی کرێی خوێندن بە رێژەی 45% لە زانکۆ حکوومییەکان بۆ ساڵی خوێندنی 2025_2026."

ئاماژەی بەوەش دا، داشکانەکە بۆ سەرجەم قۆناغەکانی بەرایی پاراڵێڵ و ئێواران و خوێندنی باڵا، دیبلۆمی باڵا، ماستەر و دکتۆرا دەبێت."

ساڵی ڕابردوو بۆ ئاسانكاریی و هاوکاریی زیاتری قوتابییان، سەرۆكایەتیی ئەنجوومەنی وەزیران فەرمانی دەركرد لێخۆشبوونی 45% بکرێ.

بەڕێوەبەری گشتیی فەرمانگەی کارگێڕی و دارایی لە وەزارەتی خوێندنی باڵا، ئەوەی خستە ڕوو، ساڵی ڕابردوو بڕیارەکه دەرچوو، ئەمساڵیش بەردەوام دەبێت و هاوکارییەکی باشە بۆ قوتابییان.