شاندێکی کوردستان گەیشتە بەغدا

شاندێکی هەرێمی کوردستان بۆ گفتوگۆکردن لەگەڵ بەرپرسانی حكومەتی عێراق سەبارەت بە سێ دۆسیەی گرنگ گەیشتنە شاری بەغدا.

شاندێکی حکومەتی هەرێمی کوردستان كە پێكهاتوون لە سامی جەلال، راوێژكاری وەزارەتی ناوخۆ و بەڕێوەبەری گشتیی گومرگی هەرێمی كوردستان، بەڕێوەبەری گشتی باج و خانووبەرەی میری و جەوهەر محەممەد، جێگری بەڕێوەبەری گشتیی گومرگ گەیشتنە شاری بەغدا، بۆ گفتوگۆکردن لەگەڵ بەرپرسانی حكومەتی عێراق سەبارەت بە دەروازەکان و جێبەجێکردنی سیستمی (ئەسیکۆدا) و کێشەی کۆمپانیاکان.

زانیارییەکان باس لەوە دەکەن عێراق بڕیاریداوە تا 2025-12-01، سیستمی ئەسیکۆدا لە سەرانسەری وڵات جێبەجێ بکرێت، حکومەتی هەرێمی کوردستانیش داوای کردووە سیستمی گومرگیی هەرێمی کوردستان وەک خۆی بمێنێتەوە و ئالوگۆڕی زانیاری لەنێوان هەردوولادا هەبێت.