لەبارەی ئەودەنگۆیانەی چەند رۆژێكە لە میدیاكانی عێراق و تۆڕە كۆمەڵایەتییەكان لەبارەی كەمكردنەوەی مادەكانی بەشەخۆراك دەدرێت، وەزارەتی بازرگانی فیدراڵ روونكرنەوە دەدات و دەڵێت: "مادەكان وەكو خۆیانن."
وەزارەتی بازرگانیی عێراقی فیدراڵ، لە راگەیاندراوێكدا بڵاوی كردەوە: " ئەو دەنگۆیانەی باس لە سڕینەوە یان کەمکردنەوەی هەندێک لە مادەکانی سەبەتەی بەشەخۆراکی مانگانە دەکەن راست نین و جەخت دەكەینەوە مادەكان وەک خۆیانن."
بەپێی ڕاگەیەندراوی وەزارەتی بازرگانی عێراق مادەکانی بەشەخۆراکی مانگانە پێکهاتووە لە:ئارد 9 کیلۆگرام،برنج:3 کیلۆگرام، شەکر یەک کیلۆگرام، پاقلەمەنییەکان: یەک کیلۆگرام، لەگەڵ دۆشاوی تەماتە و زەیتیش."
جەختی كردووەتەوە، كۆگاكانیان خۆراكی پێویست و ستراتیژیان تێدایە و كێشەی كەمی خۆراك نییە,
لای خۆیەوە دلێر عەبدولواحید، بەڕێوەبەری دابەشکردنی خۆراک لە هەولێر، ڕاگەیاند: دەستمان بە دابەشکردنی بەشەخۆراكی هەشتەمی 2025 كردووە و لە رێگە بریكارەكان دەگاتە دەستی هاووڵاتییان."
ئاماژەی بەوەش دا: بەشەخۆراكەكە پێکهاتووە لە برنج، شەكر، نیسك و دۆشاوی تەماتە و زەیت و ئارینۆک.
ئەوەشی خستە ڕوو، خۆراكی پێویست لەبەردەستە و كێشەیان لە مادەكاندا نیە.
وەڵام بدەوه