سەرۆک وەزیران بەڕێز مەسرور بارزانی بەشداریی لوتکەی حکومەتەکان دەکات لە دوبەی

بە سەرۆكایەتیی مەسروور بارزانی، شاندێكی باڵای كوردستان لە دوبەی بەشداریی لووتكەی حكوومەتەكان دەكات، كە تێیدا زیاتر لە 150 حكوومەتی وڵاتان و زیاتر لە 500 وەزیر بەشداریی تێدا دەكەن.

بڕیارە سبەی سێشەم سێی شوبات، مەسروور بارزانی و شاندێكی حكوومەتی هەرێمی كوردستان، بەشداریی لووتكەكە بكەن، لووتكەكە لە سێـی شوبات، لە دوبەی بە بەشداریی دەیان سەركردەی وڵاتان بەڕێوە دەچێت و بۆ ماوەی سێ ڕۆژ بەردەوام دەبێت.

بەپێی بەرنامەی لووتكەكە، سەرۆك وەزیرانی كوردستان لە لووتكەكە قسە دەكات و دیداری لەگەڵ سەرۆكی وڵاتان و سەركردەكانی دنیا دەبێت.

بە دروشمی دیدگەی حكوومەتەكانی داهاتوو، بڕیارە ڕۆژی سێـی شوبات، لە دوبەی لووتكەی جیهانیی حكوومەتەكان WGS، بە بەشداریی دەیان سەركردەی وڵاتان بەڕێوە بچێت و بۆ ماوەی سێ ڕۆژ بەردەوام دەبێت.

دامەزراوەی لووتكەی جیهانی حكوومەتەكان كە بەرنامەی كاری لووتكەكە بەڕێوە دەبات ئاشكرای كرد، بڕیارە زیاتر لە 60 سەرۆك و نوێنەرانی 150 حكوومەت و زیاتر لە 500 وەزیر ئامادەی لووتكەكە بن، هەروەها كۆمەڵێك لە گەورە بیرمەند و شارەزایانی جیهانی بەشدار دەبن.

بەرنامەی لووتكەكە زیاتر لە 450  گفتوگۆ و 25 كۆڕبەندی جیهانی، لەناویاندا كۆڕبەندی ژیریی دەستكرد، كۆڕبەندی دارایی گشتیی وڵاتانی عەرەبی و كۆبوونەوەكانی گرووپی "بریكس" لەخۆ دەگرێت.