عێراق بۆ كوردستان: رێككەوتنمان لەگەڵ بكەن
رۆژنامەی"زە ناشناڵ" لە راپۆڕتێكیدا ئاماژەی بەوە داوە، ئەگەر حكوومەتی فیدراڵی بتوانێت لەگەڵ حكوومەتی هەرێمی كوردستان بگاتە رێككەوتن، دەتوانێت هەناردەی نەوت دەست پێ بكاتەوە، كە بەهۆی ململانێكانی رۆژهەڵاتی ناوەڕاستەوە راوەستاوە.
ڕۆژنامەكە لێدوانی چەندین بەرپرسی وەرگرتووە و ئاماژەیان بەوە داوە، رێككەوتنی نێوان بەغدا و حكوومەتی هەرێمی كوردستان بۆ هەناردەی نەوتی خاو لە رێگەی كێڵگەكانی كەركووكەوە بۆ بەندەری جەیهانیی توركیا، دەبێتە قەرەبووی ئەو زیانانەی كە بەهۆی هێرشەكانی سەر عێراق و گەمارۆی ئێران بۆ سەر گەرووی هورمز دروست بوون.
بەرپرسێكی باڵای كورد بە "زە ناشناڵ"ـی راگەیاندووە، "ئێمە رێككەوتنمان دەوێت، پێش هەفتەیەك پێشنیازێكی دروست و واقیعی خستووەتە سەر مێزی گفتوگۆ، بەڵام دەبێت سەرەتا ئەم گەمارۆیە هەڵبگیرێت".
وەڵام بدەوه