لە چوارچێوەی پرۆسەی ڕێکخستنەوە و یەکخستنی بانکەکان لە هەرێمی کوردستان، بانکی برایەتی بڕیاری تێکەڵکردنی لەگەڵ بانکی دوین ڕاگەیاند و دەرگای بانکەکەی داخرام. بۆ ئەم مەبەستەش ئاگادارییەکی گرنگ ئاراستەی هاووڵاتییان و مووچەخۆران دەکرێت بۆ چۆنیەتی ڕاییکردنی مامەڵەکانیان:
کۆمپانیاکان و خاوەن پاشەکەوت و سەفتەجە: لە ڕۆژی یەکشەممەوە (١٤ی حوزەیران) بۆ ڕاییکردنی سەرجەم مامەڵە داراییەکانیان، ڕاستەوخۆ سەردانی بانکی دوین دەکەن.
مووچەخۆران (خانەنشینان، کەسوکاری شەهیدان و سەربازی): هاوشێوەی پێشوو، بۆ وەرگرتنی مووچەکانیان لە ڕۆژی یەکشەممەوە سەردانی باڵەخانەی بانکی برایەتی دەکەنەوە.
کەمکردنەوەی ژمارەی بانکەکان لە هەرێمی کوردستان
ئەم هەنگاوە بەشێکە لە پلانی وەزارەتی دارایی بۆ چاکسازی لە سیستمی بانکی، بە جۆرێک کە:
بانکە پسپۆڕییەکان لە ٢٨ بانکەوە کەمکراونەتەوە بۆ ٩ بانک.
بانکە بازرگانییەکان لە ٩٤ بانکەوە کەمکراونەتەوە بۆ تەنیا ١٦ بانک، ئەمەش دوای ئەوەی بەهۆی پڕۆژەی (هەژماری من)ەوە، پێویستی بەو ژمارە زۆرەی بانک بۆ دابەشکردنی مووچە نەماوە.
#Kurdistanpress
وەڵام بدەوه