بڕیاری نوێ بۆ بەنزینی 750 دەرچوو

کۆیە بەنزینی حکومی بۆ ئۆتۆمبێلە تایبەت و کرێییەکان بە جیا دابەش دەکات
قایمقامییەتی کۆیە ڕێکارێکی نوێ بۆ دابەشکردنی بەنزینی حکومی جێبەجێ دەکات بە مەبەستی هاوسەنگی و کارئاسانی، کە تێیدا بەنزین بە ئۆتۆمبێلی حکومی، کرێ (تەکسی و پاس) دەدرێت و ئۆتۆمبێلی تاکسی هاووڵاتیان ناگرێتەوە.
لیژنەی سووتەمەنی قایمقامییەتی قەزای کۆیە ڕایگەیاندووە کە بۆ هاوسەنگی و ئاسانکاری بۆ هاووڵاتیان، ڕێکاری نوێ بۆ دابەشکردنی بەنزینی حکومی دەگرنەبەر و ئۆتۆمبێلی تایبەت لە حکومی و گشتی جیا دەکەنەوە.
بەپێی ڕاگەیەندراوێک، سبەینێ چوارشەممە، ١١ی تشرینی دووەمی ٢٠٢٦، لە بەنزینخانەی کۆسار، بەنزین بە ئۆتۆمبێلی دامەزراوە حکومییەکان و ئۆتۆمبێلی کرێ (تەکسی)ی هێڵەکانی دەرەوەی شار کە لە نووسینگەی گواستنەوەی کۆیە تۆمارکراون، دەدرێت.
هەروەها لە هەمان ڕۆژدا، پاسەکانی تایبەت بە گواستنەوەی خوێندکاران کە لە نووسینگەی گواستنەوەی کۆیە و لیژنەی قائمقامیەت تۆمارکراون، بەنزینیان پێ دەدرێت.
جەخت کراوەتەوە کە دابەشکردنی بەنزین بە کارتی سووتەمەنی دەبێت و ئۆتۆمبێلی تاکسی هاووڵاتیان ناگرێتەوە، بۆیە پێویست ناکات هاووڵاتیان نۆرە بگرن.
ئەم میکانیزمە بەردەوام دەبێت بۆ جیاکردنەوەی دابەشکردنی بەنزین لە نێوان هاووڵاتیان و ئۆتۆمبێلی حکومی و کرێ.