ڕوونکردنەوەیەک لە بەڕێوەبەرایەتى پۆلیسى هەولێر

دوای ئەوەی كاتژمير (٣:٣٠) خولەکی ئەمشەو هێزەکانمان لە بەڕێوەبەرایەتی پۆلیسی پارێزگای هەولێر ئاگادار كرانەوه به بوونى روداوێكى هاتوچۆ لەسەر شەقامى (١٠٠ مەتری)، دەستبەجێ گەیشتنە شوێنى رووداو و دەرکەوت كەوا ماتوڕسكيلێك شوفێرەكەى به ناوى (م. خ. ش) به رەگەز عەرەبی سووریا، كه كارى دیليڤەرى دەكات، خوى كێشاوه به هاووڵاتیيەكى به رەگەز بەريتانى به ناوى (ئاندرو تورلي) تەمەن (٥٩)سال کە له كومپانيایەک لە شاری هەولێر كار دەكات و ویستوویەتی به پياده لە شەقام بپەڕێتەوە، بەڵام شوێنی پەڕینەوەی پیادە نەبووە، بۆیە لە ئەنجامی ئەو ڕووداوە هاووڵاتییە بەریتانییەکە گیانی لە دەست داوە.
بەپێی لێکۆڵینەوەکانیش هاووڵاتییە بەریتانییەکە هاوڕێیەکی لەگەڵ بووە به ناوى (دەيڤید) كه دانی بەوەدا ناوە بەر له رووداوەكه خواردنەوەی کحولییان خواردووەتەوە و هاوڕێکەشی لە شوێنی مۆڵەتپێدراو بۆ پەڕینەوەی پیادە نەپەڕیوەتەوە، بۆیە ئەم کارەساتە ڕووی داوە.
لە ئێستاشدا شوفێرى ماتۆرسكيلەکه بەپێی ماددە (٢٣ی هاتوچۆ) لەلایەن هێزەکانمانەوە دەستگير كراوە.