بەڕێوەبەری گشتیی خانەنشینیی ھەرێمی کوردستان ئاشکرای کرد، ڕێکاری دابەشکردنی مووچەی خانەنشینان گۆڕانکاریی بەسەردا ھاتووە و دەشڵێ، بۆ ساڵی نوێ شێوازی دیکە دەگیرێتە بەر.
حازم ئیسماعیل، بەڕێوەبەری گشتیی خانەنشینیی ھەرێمی کوردستان، بە ماڵپەڕی فەرمیی پارتی دیموکراتی کوردستانی ڕاگەیاند: "ڕەوشی دابەشکردنی مووچەی خانەنشینان ئەمساڵ بەراورد بە ساڵی ڕابردوو باشترە، ئەویش بەھۆی ئەوەی ڕێکاری نوێ گیراوەتە بەر بۆ دابەشکردنی مووچەی خانەنشینان لە ھەرێمی کوردستان، واتە ئەو قەڵەباڵغییەی پێشتر نەماوە لە کاتی دابەشکردنی مووچەی خانەنشینان.''
بەڕێوەبەری گشتیی خانەنشینی گوتیشی: "بڕیارە بۆ ساڵی ئایندە ھێشتا شێوازی دابەشکردنی مووچەی خانەنشینان باشتر بکرێت و لە ڕێگەی کارتەوە مووچەیان دابەش بکرێت، بەڵام ئەوە زیاتر دەکەوێتە سەر بەڕێوەبەرایەتیی گشتیی بانکەکان تا چەند ئەوان ڕێکارەکانیان تەواو کردووە بۆ ئەوەی شێوازی نوێ بۆ دابەشکردنی مووچەی خانەشنینان بگیرێتە بەر.''
حازم ئیسماعیل پێشتر بە ماڵپەڕی فەرمیی پارتی دیموکراتی کوردستانی ڕاگەیاند: ''بۆ ئەوان چاوەڕێی بڕیاری پەرلەمان و حکوومەتی ھەرێمی کوردستانن بۆ جێبەجێکردنی بڕیاری دادگای باڵای فیدڕاڵی بۆ زیادکردنی مووچەی خانەنشینان، چونکە ئەوان تەنیا لایەنی جێبەجێکارن
وەڵام بدەوه