ئەنجوومەنی باڵای فەتوا لە هەرێمی كوردستان لەبارەی كاری قاچاخ لە سنوورەكاندا فەتوایەك دەردەكات و دەڵێت، بەپێی دەقەكانی شەریعەت، هەر كار و كاسبییەك ببێتە مەترسی لەسەر ژیانی مرۆڤ یان كەمئەندامبوونی، یان ئەوەندە ڕیسكی تێدا بێت ببێتە مایەی لەناوچوون و فەوتانی گشت یان زۆربەی سەروەتی مرۆڤ، ئەوە ئەو كار و كاسبییە حەرام دەبێت.
ئەمڕۆ چوارشەم چواری كانوونی دووەم، لە نوێترین فەتوای ئەنجوومەنی باڵای فەتوا لە هەرێمی كوردستاندا هاتووە، لەبارەی حوكمی كڕین و فرۆشتن بە قاچاخ لەسەر سنوورەكان، بەتایبەت لە سنوورەكانی چیای قەندیل و بەتایبەتیش هێنانی مەڕوماڵات لەو ڕێیەوە كە زۆرجار بووەتە مایەی لە ناوچوونی مەڕوماڵات و خاوەنەكانیشیان، یان برینداربوونیان و كەوتنەخوارەوەیان.. هتد، هەروەها زۆرجار شوانەكان لە ترسی ڕۆحی خۆیان مەڕوماڵاتەكە لەوێ بەجێدەهێڵن و ئەو ئاژەڵانە لەناو بەفر و سەرما گیر دەخۆن و لەناو دەچن .. هتد، ئەنجوومەن فەتوای خۆی دا.
وەڵام بدەوه