لە رووداوێکی هاتووچۆدا لە سنووری پارێزگای سلێمانی چوار کەس گیانیان لەدەستدا.
رۆژی هەینی 24ـی شوباتی 2023، سامان نادر، بەڕێوەبەری فریاکەوتنی خێرای سلێمانی راگەیاند: لە رووداوێکی هاتووچۆدا لە نزیک چەمی تانجەرۆ لە سنووری پارێزگای سلێمانی چوار کەس گیانیان لەدەستداوە.
رووداوەکە لەنێوان پیکابێک و بارهەڵگرێکدا روویداوە، سامان نادر دەڵێت، ئەو چوار کەسەی گیانیان لەدەستداوە هەر چواریان لەنێو پیکابەکەدا بوون و شۆفێری بارهەڵگرەکە سەلامەتە.
تاوەکو ئامادەکردنی ئەم هەواڵە ناسنامەی قوربانییەکان ئاشکرا نەکراوە.
بەگوێرەی ئاماری هاتووچۆی هەرێمی کوردستان، ساڵی رابردوو لە هەرێمی کوردستان 3 هەزار و 706 رووداوی هاتووچۆ روویانداوە؛ لە ئەنجامیاندا 445 کەس گیانیان لەدەستداوە، کە لەو ژمارەیە 78یان ئافرەت بوون، هەروەها 7 هەزار و 250 کەسیش برینداربوون.
وەڵام بدەوه