سوپای ئیسرائیک خرایە ئامادەباشییەوە

سەرەڕای هۆشدارییەکەی ئایزنکۆت بۆ نەتەنیاهۆ، سوپای ئیسرائیل دەخرێتە حاڵەتی ئامادەباشییەوە
سەرەڕای هۆشدارییەکانی گادی ئایزنکۆت، ڕاسپێردراو بۆ پێکهێنانی حکومەتی نوێی ئیسرائیل، کە داوای لە بنیامین نەتەنیاهۆ کردبوو لە قۆناغی گواستنەوەدا خۆی لە دەرکردنی بڕیاری چارەنووسساز و کارەساتباری سەربازی بەدوور بگرێت، سوپای ئیسرائیل ئاستی ئامادەباشییەکەی بەرز کردەوە.
بەپێی زانیارییەکانی دەستەی پەخشی فەرمیی ئیسرائیل، سەرکردایەتیی سیاسی ڕێنمایی داوەتە سوپا بۆ بەرزکردنەوەی ئاستی ئامادەکاریی سەربازی. ئەم بڕیارە لە کاتێکدایە کە ماوەی نزیکەی مانگێکە ئەنجومەنی وەزیرانی ئیسرائیل کۆنەبووەتەوە؛ ئەو ئەنجومەنەی پێشتر فەرمانی دابوو بە سوپای وڵاتەکەی ئاستی ئامادەباشیی خۆی بەرز بکاتەوە، وەک هەنگاوێکی پێشوەختە بۆ ئەگەری ئەنجامدانی هێرشێکی سەربازی بۆ سەر ئێران.