کەشناسی پێشبینیکردووە، لە ئێوارەی رۆژی سێشەممە بارانبارین دەستپێدەکات و رۆژی چوارشەممە بارانبارین بەهێز دەبێت و ئاستی ئاو بەرزدەبێتەوە و کاریگەری شەپۆلەکە تا رۆژی هەینی بەردەوام دەبێت.
کەشناسی لەبارەی خێرایی با هۆشداری داوە و ئاماژەی بەوەکردووە، خێرای با بۆ ٤٠ کیلۆمەتر لە کاتژمێرێکدا بەرزدەبێتەوە، لەگەڵ بوونی هەورە تریشقە.
باسی لەوەشکردووە، پلەکانی گەرما بە رێژەی ٨- ١٠ پلە نزمدەبێتەوە و بەوەش ئەگەری بارینی تەرزە هەیە لە رۆژی پێنجشەممەدا.
کەشناسی لەبارەی رێژەی باران بارینەوە دەڵێت، بەپێی پێشبینیەکان لە هەموو ناوچەکانی هەرێم ٦٠ ملم باران دەبارێت و ئەگەری باران بارینی زیاتر هەیە لە ناوچەکانی رۆژهەڵاتی هەرێم.
ئەوەش لە کاتێکدایە، لەسەرەتای ئەم مانگەدا لە هەرێمی کوردستان بەفربارین ناوچەکانی هەرێمی گرتەوە و شارەزایانی کەشناسی هەرێمیش هەفتەی پێشوو پێشبینی هاتنی شەپۆلێکی باران بارینی بەهێزیان کردبوو بۆ ناوچەکانی هەرێم
وەڵام بدەوه