وەزارەتی دارایی و ئابووری حكوومەتی هەرێمی كوردستان رای دەگەیەنێت كە قۆناغی دووەمی کارتی ئەلیکترۆنی مووچەی خانەنشینانی سلێمانی تەواو بووە و ئێستا ٧ هەزار خانەنشینی شارستانی لە سنووری پارێزگای سلێمانی مووچەکانیان لە ڕێی کارتی ئەلکترۆنیەوە وەردەگرن.
ئاوات جەناب نووری وەزیری دارایی و ئابووری لەمیانی کۆبونەوەی لەگەڵ بەڕێوەبەری خانەنشینی سلێمانی و بەڕێوەبەرو نوێنەری ژمارەیەک لە بانکەکان ڕایگەیاند خانەنشینان چینێکی گرنگی کۆمەڵگان هەرچی لە دەستمان بێت بۆ خزمەتکردنیان درێغی ناکەین و لە داهاتوودا خزمەتگوزاری زیاتریان پێشکەش دەکەین.
وەزارەتی دارایی بڵاوی كردەوە "لەسەرەتای ئەم ساڵەوە بە بڕیاری وەزیری دارایی و ئابووری و بەهاوکاری بانکی ناوەندی هەرێم لە سلێمانی، بانکی مەڵکەندی ٥ نووسینگەی لەناو شاری سلێمانی بۆ دابەشکردنی مووچەی خانەنشینان کردووەتەوە و بڕیاریشە بەچەند قۆناغێک کارتی ئەلکترۆنی مووچە بۆ سەرجەم خانەنشینانی شارستانی و سەربازی دروست بکرێت."
وەڵام بدەوه