بەڕێوەبەری پەیوەندییەکانی نێوان ھەرێمی کوردستان و ئێران گوتی، شاندێکی بازرگانی ئێران سەردانی ھەرێمی کوردستان دەکات، ئەمەش بەمەبەستی ئامادەکاری بۆ ئەنجامدانی کۆنفرانسێکی بازرگانی بۆ ئەوەی بتواندرێت لەو رێگەیەوە قەبارەی بازرگانی نێوان ھەرێم و ئێران زیاتر بکرێت.
عەبدوڵڵا ئاکرەیی، بەڕێوەبەری پەیوەندییەکانی نێوان ھەرێمی کوردستان و ئێران، بۆ ماڵپەڕی فەرمیی پارتی دیموکراتی کوردستان گوتی: "بڕیارە کۆنفرانسێکی گەورەی بازرگانی لە نێوان ھەرێم و ئێران ئەنجامبدرێت و پێش ئەنجامدانی کۆنفرانسەکەش، ئەم ھەفتەیە شاندێکی ئێران سەردانی ھەرێمی کوردستان دەکات بۆ ئەنجامدانی ئامادەکاری کۆنفرانسەکە، کە شاندەکەش زیاتر بازرگانیی دەبێت، بۆ ئەوەی رێوشوێنی پێویست بگیرێتەبەر".
عەبدوڵڵا ئاکرەیی گوتیشی: "لەو کۆنفرانسە بەرپرس و بازرگانان و ژوورە بازرگانیەکانی ئێران بەشداری دەکەن، ئەمەش لەپێناو زیاتر پەرەپێدانی جوڵەی بازرگانی نێوان ھەرێم و ئێران و زیاترکردنی قەبارەی بازرگانی و ھاتنی کۆمپانیاکانی ئێرانە".
ئاکرەیی باسی لەوەشکرد: "لەئەمساڵدا جوڵەی بازرگانی لە نێوان ھەرێم و ئێران لە خاڵە سنووریەکان بەتایبەت لە حاجی ئۆمەران باشە، بۆیە ھەوڵدەدەین ئاسانکاری زیاتر بکرێت و ھەر بەربەستێک ھەبێت لاببرێت، ھەر بۆیەش ئەو کۆنفرانسە ئەنجام دەدرێت
وەڵام بدەوه