کاتى باران بارینى بەخوڕ ڕاگەیاندرا

کەشناسی هەرێم رایگەیاند، ئەمڕۆ بارانبارین دەست پێدەکاتەوە و هەورە تریشقەی لەگەڵدا دەبێت.
بەڕێوەبەرایەتی گشتی کەشناسی و بومەلەرزەزانی هەرێم، لە راگەیەنراوێکدا بڵاویکردەوە، پێشبینى دەکرێ ئەمڕۆ دوو شەممە ئاسمانى هەرێم هەورێ تەواو بێت لە گەڵ دەست پێکردنى کەمێک نمە باران لە کاتەکانى بەیانیدا پاشان شێوازى باران بارین دەگۆڕێت بۆ بارانى مام ناوەند و هەرە تریشقە و هەندێ کات بۆ بارانى بە لێزمە لە زۆربەى ناوچەکانى هەرێم.
ئاماژەی بەوەشکردوە، لە کاتەکانى شەودا کاریگەریەکەى تەنها لە سەر ناوچەکانى ڕاپەڕین سلێمانى و هەڵەیجە و هەندێک ناوچە گەرمیان دەبێت پاشان کۆتایی پێدێت و پلەکانى گەرماش نزم دەبنەوە و خێرایی با (15-25) کم/ک دەبێت هەندی جار چالاک دەبێت بۆ سەروى 30 کم/ک و لەگەڵ باران بارین ئەگەرى بەرزبونەوى تۆز هەیە لە کەرکوک گەرمیان.