سەرەتای ئەم هەفتەیە گەنجێک لە هەولێر ئەندامی نێرینەی خۆی دەبڕێتەوە، دوای گەیاندنی بە نەخۆشخانەش، چارەسەری بۆ دەکرێت و تەندروستیی جێگیرە، بەڵام ئەندامی نێرینەی بەتەواوی لەدەستداوە.
گەنجەکە 23ـی ئەم مانگە براوە بۆ نەخۆشخانەی فریاکەوتنی رۆژهەڵاتی هەولێر، بەپێی زانیارییەکان کە لە نەخۆشخانەکەوە دەست کەوتووە، گەنجەکە باری دەروونیی تەواو نەبووە و خۆی ئەو کارەی کردووە، چووک و بەشێک لە گونی بڕیوە.
پزیشکەکان بە ئەو گەنجەیان گوتووە کە چارەسەری نەماوە و ئەندامی نێرینەی بەتەواوی لەدەستداوە، بەڵام کونێکی وەکو رێڕەوی میز بۆ دەکرێتەوە.
بەرپرسانی نەخۆشخانەکە لە زاری کەسوکاری ئەو گەنجەوە کە ناوی ئاشکرا نەکراوە و تەمەنی سەروو 40 ساڵان بووە، ئاماژەیان بەوە کرد، گەنجەکە خۆی بەو کارە هەستاوە و ئەندامی نێرینەی بڕیوەتەوە.
وەڵام بدەوه