ئەندامێکی لیژنەی خوێندنی باڵای پەرلەمانی عێراق ئاشکرای کرد، ماوەی پێشکەشکردن بۆ یەکەمەکانی زانکۆ دەرچووانی سنووری ماددەی ١٤٠ درێژ کرایەوە و دەشڵێ، تا ڕۆژی ٢٦ی ئایار دەتوانن ئەوانەی کێشەیان ھەبوو، پێشکەش بکەن.
د. نەھلە قادر ئەفەندی، بە ماڵپەڕی فەرمیی پارتی دیموکراتی کوردستانی ڕاگەیاند: ''ژمارەیەک دەرچووی یەکەمەکانی ھەرێم و خاوەن بڕوانامەی ماستەر و دکتۆرا لە سنووری ناوچەکانی ماددەی ١٤٠ کێشەیان ھەبوو، بەڵام دوای ھەوڵێکی زۆر لەگەڵ ئەنجوومەنی ڕاژەی عێراق و وەزارەتی خوێندنی باڵای فیدراڵ توانیمان ھەلێکی دیکەیان پێ بدرێت بۆ ئەوانەی کێشەیان ھەیە لە مەلەفەکانیان تا کێشەکانیان چارەسەر بکەن.''
د. نەھلە قادر ئەفەندی ئاماژەی بۆ ئەوە کرد: "ئەمڕۆ دواڕۆژی پێشکەشکردن بوو، تۆمارکردن لە ١٢ی شەو کۆتایی دێت، بەڵام ئێمە توانیمان ماوەی ١٠ ڕۆژ پرۆسەکە درێژ بکەینەوە، واتە تا ڕۆژی ٢٦ی ئایار ئەو کەسانە دەتوانن خۆیان تۆمار بکەن، ئەمەیش دەرفەتێکی باشە بۆ ئەو دەرچووانەی چاوەڕێ بوون
وەڵام بدەوه