ئەندامێكی فراكسیۆنی پارتی دیموكراتی كوردستان لە پەرلەمانی كوردستان ئاشكرای كرد كە سەرۆكی فراكسیۆنی یەكێتیی نیشتمانیی كوردستان لە لایەن ئەندامی فراكسیۆنەكەی خۆیەوە سەری شكێندراوە.
وەیسی سەعید وەیسی، پەرلەمانتاری پارتی ئاشكرای كرد، پەرلەمانتارەكانی یەكێتی دەستپێشخەرییان بۆ شەڕ كرد و هێرشیان هێنایە سەر پەرلەمانتارانی پارتی، لەسەر ئەوەی نەیاندەویست كۆمسیۆن كارا بكرێتەوە، بەڵام ”سەرەنجام كۆمسیۆن كارا كرایەوە، چونكە لە بڕگەی سێیەمی كارنامەی كۆبوونەوەكە بابەتی كاراكردنەوەی كۆمسیۆن هەبوو، ئێمە بە زۆرینەی دەنگ هێنامانە بڕگەی یەكەم و كارامان كردەوە.“
جەختیشی كردەوە كە ”یەكێتی دەیەوێ هەڵبژاردن ئەنجام نەدرێ، بۆیە لەگەڵ كاراكردنەوەی كۆمسیۆن نەبوو.“
لەبارەی سەرشكاندنی سەرۆكی فراكسیۆنی یەكێتی، پەرلەمانتارەكەی پارتی گوتی: ”لە شەڕەكەدا هەر ئەندامانی یەكێتی سەری سەرۆكی فراكسیۆنی یەكێتییان شكاند، هێندە پەشۆكابوون سەری زیاد جەباریان شكاندووە و كامێراكان دیارن و بە بەڵگە قسە دەكەین.“
کوردستان پڕێس 
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه