فەرماندەی گشتیی دەستەی تەحریر شام، ئەحمەد شەرع، كە بە محەمەد جۆلانی ناسراوە، بۆ ڕۆیتەرز ڕایگەیاندووە: هێزە ئەمنییەكانی سەر بە ڕژێمی پێشوو (ئەسەد) هەڵدەوەشێنێتەوە.
دەشڵێت: دەستەی تەحریر شام، كە زۆربەی ناوچەكانی سووریای بەدەستەوەیە، لەگەڵ ڕێكخراوە نێودەوڵەتییەكان كار بۆ كۆنترۆڵكردن و پاراستنی ئەو پێگانە دەكات كە لەوانەیە چەكی كیمیاییان تێدا بێت.
پنتاگۆن پێشوازیی لەو لێدوانانەی جۆلانی كردووە، بەتایبەت لەبارەی چەكە كیمیاییەكان، بەڵام چاوەڕێی كردەی مەیدانیی لێدەكات.
ویلایەتە یەكگرتووەكانی ئەمریكا ڕایگەیاندووە، چاودێریی هەڵسوكەوتەكانی چەكدارانی سووریا لە سیاسەتی وڵاتەكەدا دەكەن و جۆن ڤاینەر، جێگری ڕاوێژكاری ئاسایشی نەتەوەیی ئەمریكا ڕایگەیاندووە: ئەمریكا تاكوو ئێستاش كار بۆ دیاریكردنی شێوەی مامەڵەكردن لەگەڵ گرووپەكانی ئۆپۆزسیۆنی سووریا دەكات.
وەڵام بدەوه