رۆژنامەیەكی توركی ئاشكرای كرد، بەمزووانە سەڵاحەدین دەمیرتاش ئازاد دەكرێت و حكوومەتیش قەیوم كۆتایی پێ دێنێت، ئەو بەرپرسە كوردانەی لابراون دەگەڕێنەوە شوێنەكانی خۆیان.
رۆژنامەی "زەمەن"ی توركی ئەوەی ئاشكرا كردووە، "دەم پارتی" چەند داواكارییەكی ئاراستەی دەسەڵاتدارانی توركیا كردووە، داواكانیش بەشێكیان بریتین: لە ئازادكردنی سەڵاحەدین دەمیرتاش و گەڕاندنەوەی سەرۆك شارەوانییەكان بۆ شوێنەكانیان.
باس لەوەش كراوە، لە ناو ئەو داواكارییانەی كە لەلایەن دەم پارتییەوە باسی لێوە دەكرێ، بریتین لە دامەزراندنی كۆمسیۆنێكی تایبەت لە پەرلەمان و ئازادكردنی زیندانیانی نەخۆش و ئازادكردنی بەشێك لە سیاسەتمەدارانی كورد.
بەپێی زانیارییەكانی رۆژنامەی زەمەن، هەنگاوەكانی تر بریتین لە هەمواركردنەوەی مادەی 66ـی دەستوور كە دەڵێت: هەر كەسێك لە چوارچێوەی دەوڵەتی توركیادا بێت، توركە.
پێشبینییەكان بۆ رۆژانی داهاتوو ئەوەیە، حكوومەت بەكردار دەست بكات بەكرانەوە بەڕووی كورددا، سەرەتاش سەرۆك شارەوانییەكان بگەڕێنێتەوە شوێنەكانیان و هاوكات گیراوانیش قۆناغ بە قۆناغ ئازاد بكات.
ئەم داواكارییانە دوای پەیامەكەی ئۆجەلان و باسكردن لە چەكدانانی پارتی كرێكارانی كوردستان هات، بڕیاریشە تا نەورۆز گۆڕانكاریی تر بێتە ئاراوە.
وەڵام بدەوه