هۆشداری ئیسرائیل گەیشت ، دەستمان پێتان دەگات

ئیسرا،ئیل كاتز وەزیری بەرگری ئیسرا،ئیل لەسەر هێرشەکەیان بۆسەر قەتەر دەڵێت، سیاسەتی ئەمنی ئیسرا،ئیل ڕونە، دوژمن ناتوانێت لە هیچ شوێنێک خۆی باشرێتەوە، دەستی ئیسرا،ئیل درێژە و دەگاتە هەمو شوێنێک.
ئەمڕۆ چوارشەممە 10/9/2025، دوای رۆژێک لە بۆردومانەکەی ئیسرا،ئیل بۆ سەر کەسایەتییە سیاسییەکانی حە،ماس لە دۆحەی پایتەختی قەتەر، وەزیری بەرگری ئیسرا،ئیل بەیاننامەیەکی بڵاوکردوەتەوە.
لە بەیاننامەکەدا هاتوە؛ ئۆپراسیۆنی لوتکەی ئاگر، کە ناوی هێرشەکەی دوێنێی ئیسرا،ئیل بووە بۆ سەر قەتەر و مەبەستیان کوشتنی  کەسایەتییە باڵاکانی حە،ماس بوە، هەرەشە لە حە،ماس دەکات و دەڵێت:  لە هەر شوێنێکبن دەستمان پێتان دەگات.
کاتز لە بەیاننامەکەیدا، ئاماژەی بەوەنەداوە و پشتڕاستی نەکردوەتەوە کە سەرکردەکانی حە،ماس کوژراون یاخود نا و تا ئێستاش ڕون نییە کام لە سەرکردەکان کوژراون.
وەزیرەکەی ئیسرا،ئیل راشیگەیاندوە؛ هەر کەسێک دەستی لە هێرشەکەی 7ی ئۆکتۆبەردا هەبێت، لێپرسینەوە و مامەڵەی تەواوەتی لەگەڵ دەکرێت،  هەرکەس و لایەنێک  شەر  دژی ئیسرا،ئیل ئەنجام بدات، بە دڵنیاییەوە  لێیدەدرێت.