ئەمریکا دەستی بەجوڵەی فڕۆکە جەنگیەکان کرد بەرەو ڕۆژهەڵاتی ناوەڕاست

شەوی ڕابردوو  ژمارەیەکی گەورەی فڕۆکەی سوتەمەنی هەڵگری جۆری KC-135 ستراتۆتانکەری هێزی ئاسمانی ئەمریکا بەرەو ڕۆژهەڵاتی ناوەڕاست جوڵەی پێکراوە، لەكاتێكدا ئەوەش ئاشكراكراوە 48 كاتژمێری ڕابردوو زۆرترین فڕۆكە ڕەوانەكراون و دەوترێت ڕۆژهەڵاتی ناوەڕاست لەبەردەم 48 كاتژمێری یەكلاكەرەوەدایە.
 
بەگوێرەی گۆڤاری زە نیوز ویکی ئەمریكی، ئەمریكا قۆناغێكی دیكەی ڕەوانەی كردنی گەورە فڕۆكە سەربازییەكانی ڕەوانەی ڕۆژهەڵاتی ناوەڕاست كردوە، كەئەمە یەکێکە لەگەورەترین ئۆپەراسیۆنەکانی ناردنی فڕۆکەی سوتەمەنی هەڵگر لەماوەی مانگی ڕابردودا.
 
لەلایەكی دیكەوە، گۆڤارەكە بەپشت بەستن بەزانیاریی مانگی دەستکردو دەزگاکانی چاودێریی فڕۆکەوانی، ئاشكرایكردوە، کە فڕۆکەکان لەبنکەکانی زەریای ئەتڵەسییەوە فڕیون و لەبنکەی ئاسمانیی عودەید لەقەتەر دەنیشنەوە، کە بارەگای فەرماندەیی ناوەندیی هێزەکانی ئەمریکا (سێنتکۆم)ی لێیە. 

سەرچاوە هەواڵگرییە کراوەکان، لەناویاندا هەژمارەکانی چاودێریکردنی جموجوڵە سەربازییەکان لەتۆڕی کۆمەڵایەتیی ئێکس، ئاماژەیان بەم جوڵەپێکردنە کتوپڕە کردوە. 
 
هەژماری "Defence_Index" نوسیویەتی: "نزیکەی 12 فڕۆکەی تانکەری KC-135 ستراتۆتانکەرو فڕۆکەی دیکەی سوتەمەنی هەڵگری هێزی ئاسمانیی ئەمریکا کە لەماوەی 48 کاتژمێری رابردودا گوازرابونەوە بۆ ئەوروپا، ئێستا بەرەو ڕۆژهەڵاتی ناوەڕاست دەچن و تا 48 كاتژمێرەی دیكە د‌وخەكە یەكلاكەرەوە دەبێت