ڕەجەب تەییب ئەردۆغان سەرکۆماری تورکیا، هەڵوێستی وڵاتەکەی لەسەر گرژییەکانی نێوان ئەمەریکا و ئێران ڕاگەیاند و دووپاتی کردەوە، دژی هەر دەستوەردانێکی سەربازین بۆ سەر تاران.
ئەمڕۆ پێنجشەم پێنجی شوباتی 2026، ئەردۆغان لە لێدوانێکدا ڕای گەیاند، تورکیا ئەوەی لە توانایدا بێت دەیکات بۆ ڕێگری کردن لە خزانی ناوچەکە بۆ ناو ململانێیەکی نوێ و پشێوی، ئێمە دژایەتیی هەر دەستێوەردانێکی سەربازی دەکەین دژی ئێران.
سەرۆکی تورکیا ئاماژەی بەوە دا، تا ئێستە دەبینێت هەردوولا تاران و واشنتن ئارەزووی کردنەوەی دەرگای دیپلۆماسی دەکەن و ئەمەش پێشوەچوونێکی ئەرێنییە.
ئەردۆغان گوتیشی، چارەسەری کێشەکان ململانێ نییە، بەڵکو دۆزینەوەی زەمینەی هاوبەش و دانوستانە.
لە کۆتاییدا ئەردۆغان هیوای خواست کێشەکان لە ڕێی گفتوگۆوە چارەسەر بکرێن و جەنگێکی نوێ لە ناوچەکە هەڵنەگیرسێت، ڕاشی گەیاند، کار دەکەین بۆ بەهێزکردنی زەمینەی دانوستان لە ڕێی دیپلۆماسییەوە لەسەر ئاستی سەرکردەکان و ئاستەکانی تر.
وەڵام بدەوه