ە دانوستانی سبەی هەینی نێوان ئەمریكا و ئێران گفتوگۆ لەسەر چوار تەوەری سەرەكی دەكرێت بە ئامانجی داڕشتنی چوارچێوەیەك بۆ رێككەوتنی نێوانیان.
بڕیارە سبەی هەینی كاژمێر 10ی سەرلەبەیانی یەكەم دانوستانی نێوان ئەمریكا و ئێران لە مەسقەتی پایتەختی عومان بەڕێوەبچێت.
بەگوێرەی زانیارییەكان لە دانوستانەكەی سبەی هەینیدا گفتوگۆ لەسەر چوار تەوەری سەرەكی دەكرێن، ئەوانیش بریتین لە: بەرنامەی ئەتۆمی ئێران، مەودای مووشەکە بالیستییەكان، پشتیوانی لە میلیشیا و گرووپە چەکدارییەکانی ناوچەکە لەگەڵ دۆخی مافی مرۆڤ لە ناوخۆی ئێراندا.
ئەمە لەكاتێكدایە كە دوێنی چوارشەممە خەریك بوو ئەنجامدانی دانوستانەكە هەرەس بهێنێ، دوای ئەوەی ئەمریكا رەتی كردبووەوە داواكاری ئێران قبووڵ بكات كە شوێن و بابەتەكانی دانوستانەكە بگۆڕێت، بەڵام دواتر بە هەوڵ و نێوەندگیری وڵاتان بڕیار لەسەر ئەنجامدانی دانوستانەكە درا.
شەوی رابردوو رێككەوتنەكە بەمشێوەیە ئەنجامدرا، ئەمریكا رازی بوو دانوستانەكە لە عومان بەبێ ئامادەبوونی وڵاتانی هەرێمی ئەنجام بدرێت، ئێرانیش لای خۆیەوە رازی بوو دانوستانەكان راستەوخۆ بێت و هەردوو بابەتی بەرنامەی ئەتۆمی و میلیشیاكانیش بخرێنە نێو دانوستانەكانەوە.
وەڵام بدەوه