سوپای پاسداران زەنگی لێیدا

ئەمڕۆ هەینی 16ی تشرینی یەكەمی 2026، سوپای ئێران هۆشداریی دا كە پلانیان هەیە بۆ ئەوەی لە كاتی ڕوودانی هەر ئاڵۆزییەكی نوێدا، هێزە دەریاییەكانی ئەمەریکا ناچار بكەن لە كەناراوەكانیان دوور بكەونەوە، هاوكات داوای لە خاوەن كەشتییەكان كرد بۆ پاراستنی سەلامەتییان، تەنیا بەو ڕێڕەوەدا تێپەڕ ببن كە تاران بۆ گەرووی هورمز دیاریی دەكات
لە لێدوانێكی ڕۆژنامەوانیدا، عەمید محەمەد ئەكرەمی نیا گوتەبێژی سوپای ئێران ڕای گەیاند، هێزە چەكدارەكانی ئێران خاوەنی پلانێكن كە دەتوانن هێزی دەریایی ئەمەریکا ناچار بكەن، لە كاتی هەر ئاڵۆزییەكی نوێدا زیاتر لە كەناراوەكانی ئێران دوور بكەونەوە.
ئاماژەی بەوەیش كرد، هێزەكانی ئەمەریکا ناچاریان بە كەشتییەكان كردووە بە ڕێڕەوی باشووری گەرووی هورمزدا تێپەڕ بن، ئەمەیش مەترسیی زیانپێگەیشتنیان لێ دەكرێت." بۆیە داوای لە خاوەن كەشتییەكان كرد بۆ دڵنیابوون لە سەلامەتییان، پابەند بن بەو ڕێڕەوەی كە تاران بۆ تێپەڕین لە گەرووەكە دیاریی كردووە.