حووسیەکان هێرشی کرد

دەسەڵاتدارانی سعوودیە ڕایان گەیاند، توانیویانە لە ئاسمانی خاکی وڵاتەکەیان و دەریای سووردا مووشەکێکى بالیستی، دوو مووشەکی کرووز و سێ فڕۆکەی بێفڕۆکەوانی حووسییەکان تێکبشکێنن، لە کاتێکدا هێرش و بۆردمانەکان لە نێوان هەردوولادا بە توندی پەرەیان سەندووە.
ئەمڕۆ هەینی 16ی ئۆکتۆبەرى 2026، لە ڕاگەیەنراوی بەرگریی سعوودیەدا هاتووە، یەک مووشەکی بالیستی کە ئاراستەی شاری یەنبەعی سەر دەریای سوور کرابوو تێکشکێنراوە، هاوکات دوو مووشەکی تری کرووز لە ئاسمانی دەریای سوور و سێ فڕۆکەی بێفڕۆکەوانیش لە ناوچەی باشوور و ناوچەی ڕیاز تێکشکێنراون.
سعوودیە لە چەند ڕۆژی ڕابردوودا ڕووبەڕووی زنجیرەیەک هێرشی بەردەوامی مووشەکی و درۆنی بووەتەوە لەلایەن حووسییەکانەوە، کە توندترینیان هێرشەکەی ڕۆژی شەمووی ڕابردوو بوو بۆ سەر فڕۆکەخانەی ڕیاز کە لە ئەنجامدا 13 کەس گیانیان لەدەست دا و زیاتر لە 300 کەسی تریش بریندار بوون.