ئیسرائیل قسەی کۆتایی کرد

ئەمڕۆ چوارشەم 21ی ئۆکتۆبەر، بنیامین نەتانیاهۆ سەرۆک وەزیرانی ئیسرائیل ڕای گەیاند کە موجتەبا خامنەیی ڕێبەری ئێران بڕیاری داوە شوێن پێی باوکی هەڵبگرێت لە ڕێگەی هەوڵدان بۆ بەدەستهێنانی چەکی ئەتۆمی.
نەتانیاهۆ لە لێدوانێکدا ڕای گەیاند، هیچ ڕێگەیەک نییە بۆ لابردنی هەڕەشەی ئەتۆمیی ئێران مەگەر بە ڕووخاندنی ڕژێمەکە نەبێت. دوێنێ سێشەمیش نەتانیاهۆ دووپاتی کردبووەوە کە تا ئەو لە پۆستی سەرۆک وەزیران بێت، ئێران نابێتە خاوەنی چەکی ئەتۆمی.
لە هەمان ڕۆژدا، بەرپرسێکی ئیسرائیلی بە ڕۆژنامەی (ئیسرائیل هیۆم)ی ڕاگەیاندبوو، کە ئێران هەوڵ دەدات پرۆسەی دروستکردنی بۆمبێکی ئەتۆمی خێراتر بکات، هەروەها کار بۆ تەواوکردنی پێکهاتەی چەکدارکردن دەکات، کە پێی وایە تا ئێستە ڕێگر بووە لە پێشکەوتنی بەرنامە ئەتۆمییەکەی.
ئەم لێدوانانە لە کاتێکدان ک ترس لە سەرهەڵدانەوەی ڕووبەڕووبوونەوەی سەربازی لە نێوان واشنتن و تاران لە زیادبووندایە، بەهۆی وەستانی هەوڵە دیپلۆماسییەکان بۆ دەستپێکردنەوەی دانوستانەکان و بەردەوامیی ناکۆکییەکان لەسەر بەرنامە ئەتۆمییەکەی ئێران و مەرجەکانی کۆتاییهێنان بە جەنگ.