کورتەی هەواڵ
واشنتن خۆی بۆ ئەگەری بەردەوامبوونی ململانێکان لەگەڵ ئێران بۆ ماوەیەکی درێژ ئامادە دەکات، سەرەڕای هیوای کارگێڕی ئەمریکا بۆ ئەوەی لێدانەکان و سزاکان تاران ناچار بە سازشی گەورە بکەن.
تاران هەوڵ دەدات نیشانی بدات کە هێشتا تواناکانی سەربازیی پاراستووە و بەپێی ڕاپۆرتێکی وۆڵ ستریت جۆرناڵ، دەستیکردووەتەوە بە بەرهەمهێنانی موشەک و فڕۆکەی بێفڕۆکەوان لە بنکە ژێرزەوییەکاندا.
وردەکارییەکانی هەواڵ
ڕۆژنامەی (وۆڵ ستریت جۆرناڵ)ی ئەمریکی لە زاری بەرپرسانی ئەمریکییەوە بڵاویکردەوە، سەرەڕای ئەو لێدانانەی کە پێشتر تووشی بوون، ئێران دامەزراوە تایبەتەکانی بۆ ئەم مەبەستە کارا کردووەتەوە و دەستیکردووەتەوە بە بەرهەمهێنانی موشەک و فڕۆکەی بێفڕۆکەوان لە ناو بنکە ژێرزەوییەکانیدا.
بەپێی ڕاپۆرتەکە، تاران هێشتا خاوەنی کۆگایەکی گرنگ و بەرچاوی موشەک و فڕۆکەی بێفڕۆکەوانە بۆ وەڵدانەوەی هەر هێرشێکی نوێ، هەرچەندە تا ئێستا هیچ ژمارەیەکی دیاریکراو لەبارەی قەبارەی بەرهەمهێنانی نوێبووەوە یان بڕی ماوە لە جبەخانەکەیدا بەردەست نییە.
#Kurdistanpress
وەڵام بدەوه