ئیسرائیل هەڕەشە دەکات

وەزیری بەرگریی ئیسرائیل هۆشداریی توند دەداتە ئێران و حزبوڵڵای لوبنانی و ڕایدەگەیەنێت، کە ئەرکەکانی وڵاتەکەی لە بەرامبەر تاراندا هێشتا کۆتایی نەهاتووە و ئامادەن بۆ هەموو سیناریۆیەک.⠀
ئەمڕۆ یەکشەممە، 8ـی 11ـی 2026، یسرائیل کاتس، وەزیری بەرگریی ئیسرائیل تارانی بەوە تۆمەتبار کرد کە لە هەوڵی بەدەستهێنانی چەکی ئەتۆمیدایە، هاوکات هۆشداریشی دایە حزبوڵڵای لوبنانی لە ئەگەری بەشداریکردنیان لە هەر جەنگێکی نوێ لەگەڵ ئێراندا.⠀
کاتس جەختی لەوە کردەوە کە وڵاتەکەی ناتوانێت ئەم جۆرە هەڕەشانە قبوڵ بکات و ئەرکی ئەوانە بۆ پاراستنی هاووڵاتییەکانیان ئامادەی هەموو پێشهاتێک بن، هەروەها داواشی لە ئیسرائیلییەکان کرد یەکگرتوو بن و ڕێگە نەدەن ناکۆکییە ناوخۆییەکان کاریگەری لەسەر بەرەنگاربوونەوەی هەڕەشەکانی دەرەوە هەبێت.⠀
ئەم لێدوانانە لە کاتێکدان، کە بڕیارە هەر ئەمڕۆ سەرۆک کۆماری ئیسرائیل بە فەرمی ئەرکی پێکهێنانی کابینەی نوێی حکومەت بە گادی ئایزنکۆت، سەرۆکی پارتی یاشار بسپێرێت، دوای ئەوەی بنیامین ناتانیاهۆ داوای پێکهێنانی حکومەتی یەکڕیزیی نیشتمانیی لێ کردبوون.