ترەمپ سەرکەوتنی راگەیاند

ئەمڕۆ یەکشەم هەشتی نۆڤێمبەر، دۆناڵد ترەمپ سەرۆکی ئەمەریکا ڕای گەیاند کە وڵاتەکەی سەرکەوتنی لە شەڕەکانی دژی ڤێنیزوێلا و ئێران بەدەست هێناوە، هاوکات پشتگیریی خۆی بۆ حكوومەتەکەی و وەزیری جەنگ دووپات کردەوە، هەرچەندە ئاماژەی بە ئەگەری گۆڕانکاریش دا.
ترەمپ لە لێدوانێکی ڕۆژنامەوانیدا لەبارەی پێکهاتەی حكوومەتەکەیەوە گوتی، حكوومەتەکەم خۆش دەوێت و پێم وایە باشە، بەڵام ڕەنگە هەندێک گۆڕانکاری بکەم.
لەبارەی ئەنجامی ئۆپراسیۆنەکانی دەرەوەی وڵاتەکەی زیاتر گوتی، لە شەڕی ڤێنیزوێلا و ئێراندا سەرکەوتین و ملیاران دۆلارمان بەدەست هێنا.
لە بەشێکی تری قسەکانیدا، ترەمپ متمانەی خۆی بە پیت هێگسێس وەزیری جەنگی ئەمەریکا دەربڕی و گوتی، متمانەم بە وەزیری جەنگ هێگسێس هەیە و ئەو بۆ کاتێکی کاتی لە پارێزراویدایە.
ئەم لێدوانانەی سەرۆکی ئەمەریکا لە کاتێکدایە کە پێشتر لە ڕۆژی هەینیی ڕابردوودا دووپاتی کردبووەوە کە دانوستانەکان لەگەڵ ئێران بەردەوامن، و ڕای گەیاندبوو کە لەو گفتوگۆیانەدا ئەنجامی "زۆر باشیان" بەدەست هێناوە.