ئێران هۆشداری توند دەدات

عەباس عێراقچی، وەزیری دەرەوەی ئێران هۆشدارییەکی توندی دایە واشنتن و ڕایگەیاند، ئەگەر کۆشکی سپی بژاردەی شەڕ هەڵبژێرێت ڕووبەڕووی دۆزەخێکی سەخت دەبێتەوە؛ هاوکات جەختیشی کردەوە لەدوای هەڵبژاردنەکانی ئەمریکا، ئێستا کاتی ئەوەیە واشنتن بڕیاری یەکلاکەرەوە و کۆتایی خۆی بە فەرمی بدات.
وەزیری دەرەوەی ئێران ئاماژەی بەوە کرد، پێشنیازە 2 ڕۆژییەکەی تاران هێشتا وەک خۆی بەردەوامە؛ ڕوونیشیکردەوە ئەگەر ئەمریکا بە مەرجەکان ڕازی ببێت و جەنگ لە سەرجەم بەرەکاندا ڕابگرێت، ئەوا بێگومان ئەنجامە باش و ئەرێنییەکەی لە تەواوی ناوچەکەدا بە ڕوونی دەبینێت.
لە بەشێکی دیکەی لێدوانەکانیدا عێراقچی دووپاتیکردەوە، ئەگەر ئەمریکا ڕێگەی شەڕ هەڵبژێرێت، ئەوا توانای باڵای چەکدارە ئامادە و بەئەزموونەکانیان لە مەیدانی جەنگدا تاقیدەکاتەوە؛ بە جۆرێک کە لە ڕێگەی وەڵامێکی زۆر کوشندەوە واشنتن لە ناوچەکەدا تووشی دۆزەخێکی سەخت و چاوەڕواننەکراو دەکەن.