ماوەیەکی زۆر بوو چەندین هێزو لایەنی سیاسی و تەوژمی گوماناوی بانگەشەی ڕادەست کردنی نەوت و داهاتی هەرێمیان بە بەغدا دەکرد.
ئەم گرووپانە ڕادەست کردنی نەوت و داهاتیان کردبوو بە یەکێک لە درووشمە چەواشەکاریەکانی کۆکردنەوەی پشتیوانی و لە خشتەبردنی جەماوەرو بە بەهەشت کردنی کوردستانەوە.
ئەم دۆخە ئابوریە سەختەی بەهۆی بڕینی شایستەی داراییەکانی هەرێم لەلایەن بەغداوە رووبەرووی هەرێم بۆتەوە، بە بەرزکردنەوەی بەڵێن و وتەی باقوبریقەدارو چەواشەکارەوە چارەسەر ناکرێت. بەغدا دەبێ ئەو رێککەوتننای لەگەڵ هەرێم ئیمزای کردوون بە تەواوەتی و بە پێی دەستورو یاساوە جێ بەجێیان بکات و چیتر بودجە وەک کارتێکی سیاسی گوشارخستنەسەر هەرێم بەکار نەهێنێت.
هەڵسوکەوتی بەغدا لەگەڵ دەستور و مەفهومی فیدڕاڵی زۆر نامۆیە بەو تێگەیشتنە گشتیەی دەربارەی ئەم چەمکانەوە لە سیستەمە فیدڕاڵیەکاندا هەیە. خۆدزینەوە لە جێ بەجێ کردنی دەستورویاسا فیدڕاڵیەکان لە لایەن بەغداوە چەمکی پێکەو ژیان و بوون بە بەشێک لە دەوڵەتی ئیتیحادی کرچ و کاڵ دەکاتەوەو کۆمەڵێک ئەگەر لەبەردەم هەرێم بە واڵاکراوی دەهێڵێتەوە.
وەڵام بدەوه