کەرکوک قەڵای کوردایەتی و خاکی تەعریب کراوو دڵی برینداری کوردستانە. کەرکوک پێویستی بە دەنگ وپشتیوانی ئەو کوردە دڵسۆزانەیە هەرگیز خیانەتیان لەم شارە نەکردووە.
کەرکوک شوناسی کوردایەتی ڕەسەن و هێمای خەباتی زیاتر لە نیوسەدەی رۆڵە بە ئەمەکەکانی رێبازی کوردبوون و ئاوێتە بووی دروشمی نەسرەوتن تا سەرکەوتنی مێژووی بزاڤی رزگاریخواز و پێشکەوتووخوازی کوردە.
کەرکوک هەڵگری مێژوویەکی خوێن لێچۆڕاوی زیاتر لە نیو سەدەی بزووتنەوەی ئازادیخوازی کوردە، لە شەوەزەنگەکانی سەردەمانی خەبات و خۆراگری و رەت کردنەوەی ستەمگەری و خۆسەپاندن.
کەرکوک بە کوردبوونەوە لەسەرپێ وەستاوەو بە کوردەوە هەناسە دەدات و چاوی لە دەست و هیمەت و ئیرادەی ڕاستەقینەو بێ خەوشی رۆڵە بە ئەمەکانیتەتی تا لە رۆژی هەڵبژاردندا سەرجەمی گریمانەکان ئاوەژە بکاتەوەو شکست بە هەوڵی داماڵینی مۆرکی کوردایەتی لەم شارە بهێنن.
کەرکوک رەمزی رەت کردنەوەی شۆفینیزم و خۆسەپاندن و بەرگری و خۆراگری و زیندووێتی نەتەوەی کوردو مەڵبەندی پێکەوەژیان و پێکەوەهەلکردن و نیشتیمانێکی دابڕاوە لە نیشتیمانی دایک و هەر بە ڕەسەنایەتی و هێمای گەورەیی و رەمزی مقاوەمەت دەمێنێتەوە.
دەبا دەنگدەرانی کەرکوک دەنگ بەو لایەنە سیاسیە بدەن هەرگیز سازش و خیانەتی لە شوناسی کوردستانیبوونی ئەم شارە نەکردووەو لە هەفتا ساڵی رابردوودا قووڵایی ستراتیژی خەباتی سیاسی بووە.
وەڵام بدەوه