پێش شۆڕشی ئەیلول داگیرکارانی کوردستان قەد ئامادە نەبون لەسەر مێزێک دابنیشن کەپرسی کوردی لەسەر بێت و گفتوگۆی لەسەر بکەن، چونکە لە ڕەوانینی ئەوان ھیچ یاسا و مافێکی مرۆڤ بۆ کورد نەبوو، کوردیان وەکو مرۆڤ نابینی، بەدەستی ئەوان بوایە شوناسی کوردیان بەیەکجاری لەناودەبرد
بەڵام
شۆڕشی ئەیلول بۆ یەکەم جار لەمێژوودا دوژمنی داگیرکاری ناچارکرد کرد کە بژاردەی ڕێکەوتن بھێنێتە ئاراوە، کە بەدرێژایی مێژوو کورد تەنھا بژاردەی لەناوچون و ڕادەست بونی بەدەست بوو بەرامبەر بە دوژمنی داگیرکار، مافی ئۆتۆنۆمی بۆ کورد زامن کرد بەشەرعیەت دانی وڵاتێکی داگیرکاری کوردستان. کە ئەزمون و دەستکەوتەکانی ئەمڕۆی ھەرێمی کوردستان بناغەیان لە شۆرشی ئەیلولەوە دانراوە.
ڕژێمە یەک لەدوای یەکەکانی عێراق چەندین دەستکەوت و پارەی بێ شوماریان بۆ «بارزانی نەمر» دابین کرد کەتەنھا دەست لەچەک ھەڵگرێت و دەست بەرداری شۆڕش بێت بەڵام بارزانی نەمر ژیانی شاھانە و کۆشک و تەلاری دوژمنی ڕەتکردەوە شاخی ھەڵبژارد بۆ بەدەست ھێنانی مافی نەتەوەیەکی ژێر دەست و چەوسێنراو، شۆڕشی بارزانی نەمر نە بۆ شەخسێک بۆ نە بۆ حیزبێک بوو نە بۆ بنەماڵەیەک بوو بەڵکو بۆ نەتەوەیەک بوو کە لەھەموو لایەکەوە ھەوڵی قرکردن و لەناوبردنی دەدرا .
«سەرۆک بارزانی»، درێژەی بە خەباتی باوکی دا، دەستکەوتی شەخسی و پۆستی سەرۆکایەتی ڕەتکردەوە بە ھەموو جیھانی وت نەخێر بە گەلی کوردستانی وت بەڵێ و ڕیفراندۆمی بۆ کورد ڕەخساند، کە بۆ یەکەم جار گەلی کوردستان بەئازادانە بڕیاری لەسەر مافی چارەنوسی خۆی دا کە بەدرێژایی مێژوو ھەرجارەو وڵاتێک بڕیاری لەسەر مافی چارەنوسی گەلی کوردستان دەدا. سەرۆک بارزانی بە ھەموو نەیار و دوژمنی کوردی وت کە ھیچ شتێک نیە لەم جیھانە شوێنی سەربەخۆیی کوردستان بگرێتەوە.
وەڵام بدەوه