پەراوێزخستنی دەستور لە پای چی؟

مەعقول نیە پەرلەمانتاری هەرێمێکی دەستوری و یاسایی و فیدڕاڵی بیت و لە ناوەند داواکاری پوچەڵ کردنەوەی بیرۆکەی فیدڕاڵی بەرز بکەیتەوەو بانگەشەی قەومی و پۆپۆلیستی بۆ بکەی! چ لۆژیکێکە بۆ ئاستەنگ خستنەبەردەم تێپەڕینی بودجەی هەرێمێکی فیدڕاڵی و دەستووریەوە داوابکەی ناوەند ڕاستەوخۆ مامەڵە لەگەڵ هەرێم بکات؟ ئەو پەرلەمانتارە کوردانەی لە بەغدا بوونەتە کەواسوور و چاوساغی تێکەڵ و پێکەڵ کردنی مەفاهیمی دەستووری و چەمکی فیدڕاڵی و سرووشتی واقع و دیفاکتۆی هەرێمی کوردستان، بە چ رووێکەوە دێنە سەر شاشەی تیڤیەکان و بانگەشەی خەمخۆری گەل و وڵات دەکەن و دەهۆڵی ناوبۆشی بەتاڵێک دەکوتن، دەمێکە لەسەر شانۆی سیاسی عێراقی فیدڕاڵی و فرەییدا دڕاوەو خراوەتە زبڵدانی مێژووەوە؟؟