لە هەولێر ئەرک و بەرپرسیارەتیەکان بە شێوەیەکی رێکوپێک و کارا بەسەر یەکە ئیداریەکان دابەش دەکرێن. بەدواداچوون بۆ کارو پرۆژەکان دەکرێت. لە پاڵ ئەمەشدا چاکسازی و کۆکردنەوەی داهات و ناردنی بۆ خەزێنەی حوکومەت و فەلسەفەی پاداشت و سزا بە شێوەیەکی سیستەماتیک لە هەموو دامودەزگا حوکومیەکان پەیرەو دەکرێت و هەڵسەنگاندن بۆ هەموو شت دەکرێ.
ئەوەی لە سلێمانی دەگوزەری رەنگدانەوەی دونیابینی و دەرهاوێشتەی کردارەکانی کارەکتەرە سیاسی و پۆپۆلیسمی ئەوێن و هیچ پەیوەندیان بە حوکومرانی هاوچەرخ و خزمەت و چاکسازی لە پێناو خێرو بەرژەوەندی و چاکەی گشتی و بەرپرسیارەتیەوە نیە و هاوڵاتیان لە دۆڵێک و کاربەدەستانیش لە دۆڵێکی تردان.
ئەگەر پێوەرێک بۆ دیاریکردنی کوردبوون و دڵسۆزی نەتەوەو نیشتیمان هەبووایە، بە دڵنیاییەوە زۆربەی ئەو هێزو بزاڤە سیاسی و پۆپۆلیستیانەی لە پانتای سیاسەت و لە ژێر دەمامکی بەرژەوەندی گشتیدا هاتوونەتە سەر گۆڕەپانی کاری سیاسی و تەمەنیان کەمترە لە تەمەنی پیرەمەڕێک، ئەبووایە دوکانی سیاسەتیان کڵۆم بکردایەو و دەمیان داخستایە…
وەڵام بدەوه