ڤلادمیر پوتن سه‌رۆكی ڕوسیا له میانی به‌شداریكردنی له ماراسۆنی په‌روه‌رده‌یی "زانستی سه‌ره‌تا" رایگه‌یاند، به دڵنیاییه‌وه په‌یوه‌ندییه‌كانی نێوان ڕوسیا و ئه‌وروپا دره‌نگ یان زو ئاسایی ده‌بنه‌وه، "دۆخی ئێستاش ئاڵۆزتره له سه‌رده‌می جه‌نگی دوه‌می جیهانی".
ڤلادمیر پوتن له وتارێكدا رایگه‌یاند، "دۆخی ئێستا ئاڵۆزتره له‌وه‌ی له سه‌رده‌می جه‌نگی گه‌وره‌ی نیشتمانی (جه‌نگی دوه‌می جیهانی)دا هه‌بو، ئه‌وكات هه‌مو شتێك ڕون بو، ڕه‌ش و سپی، سور و قاوه‌یی، به‌ڵام ئێستا شته‌كان ناڕونن، له‌هه‌مانكاتیشدا گومانم نییه كه په‌یوه‌ندییه‌كانمان له‌گه‌ڵ ئه‌وروپا دره‌نگ یان زو ده‌گه‌ڕێنه‌وه باری ئاسایی خۆیان".
سه‌رۆكی ڕوسیا ئاماژه‌ی به‌وه‌شكرد، له ئه‌وروپا زۆر كه‌س هه‌ن كه سه‌ره‌ڕای فشاره‌كان پاڵپشتی ڕوسیا ده‌كه‌ن و ده‌ڵێت، "له ئه‌وروپا به گشتی زۆرن ئه‌وانه‌ی هاو هه‌ڵوێستی ئێمه‌ن، هه‌ندێكیان بێده‌نگن، هه‌ندێكی دیكه‌ش شتێك به‌جۆرێك به بێگه‌رد ده‌ڵێن كه نابیسترێت، بێگومان چه‌ند كه‌سێك هه‌ن، سه‌ره‌ڕای فشاری ده‌سه‌ڵاته فه‌رمییه‌كان، بوێری ئه‌وه‌یان هه‌یه بۆ ئه‌وه‌ی دیدگای خۆیان ده‌رببڕن و نیشانی بده‌ن كه خاڵی تایبه‌ت به خۆیان هه‌یه".
چالاكییه‌كه‌ی ئه‌مساڵ كه له‌لایه‌ن كۆمه‌ڵه‌ی زانستی ڕوسیاوه ڕێكده‌خرێت، تایبه‌ته به یادكردنه‌وه‌ی 80 ساڵه‌ی سه‌ركه‌وتن له جه‌نگی دوه‌می جیهانی كه له روسیا به شه‌ڕی گه‌وره‌ی نیشتمانی ناسراوه.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه